Archive for the ‘પ્રભુ ભક્તિ’ Category

ગીતા સુધા

નવેમ્બર 11, 2009

ભગવાનના શ્રીમુખે સંસારના સર્વ સંશયો વિરમી જાય એવી અલૌકિક દિવ્યવાણીની,સંસારને ભેટ ધરી ઋષિવર શ્રીવેદવ્યાસજીએ.
ગુજરાતી સાહિત્યમાં કવન રુપે ‘ગીતા સુધા’ પ્રસાદી સૌ પામે, માટે ચીંતન, મનન અને અનેક મેઘાવી મહાનુભાવોના દર્શન ઝીલતાં ઝીલતાં, ગીતા જયન્તીએ, મા ગુર્જરીના ચરણોમાં પુષ્પ સમર્પિત કરતાં અહોભાવથી વંદન.

geeta saar

અઢાર અક્ષૌહિણી સેનાના રક્તથી ભીંજાશે અવની અંગ
કેવો આ મહાસંગ્રામ પિતામહ ગુરુ સ્વજનોને સંગ
હે કેશવ! ન જોઈએ આ રાજ લઈ મહા હત્યાનું પાપ
ગાંડીવ સરે મમ કરથી નથી હૈયે યુધ્ધની હામ

ક્ષાત્ર ધનુર્ધર પાર્થ વદે વિષાદથી વિહ્વળ વાણી
યુધ્ધ અવસરે કાયર થઈ પૂછે , ઓ ચક્રપાણી!
રક્ત રંજિત યુધ્ધ ખેલી શાને કરવો મહા સંહાર
પાપ મોહ અહંકારથી કેમ મણવો વિજયશ્રીનો ઉપહાર

ધર્મક્ષેત્રે કુરુક્ષેત્રે છે દિન માગસર સુદ એકાદશી
શ્રીકૃષ્ણ મુખે વહી દિવ્ય જ્ઞાન ગીતા અવિનાશિની
પ્રબોધ્યું દર્શન પાર્થને અઢાર અધ્યાયે સાતસો શ્લોકમાં
છેદ્યાં સંશય , ઉઘડ્યાં દ્વાર ભક્તિ કર્મ બ્રહ્મ યોગનાં

ધર્મ સંકટ નિહાળું હું , ન સમજાય વિધિની વક્રતા
મનમાં સંશય રમે આ જીવનની કેવી વિંટબણા
સમજ મારી દીઠી કુંઠિત, ભાવિના ભણકારા કરતા રુદન
સુખ દુઃખ જય પરાજયના પડઘા ભાસે ગુંજાવતા ગગન

શ્રી કૃષ્ણ વદે, સુણ અર્જુન સખા, ગીતા છે મમ હૃદય
સોંપી લગામ પ્રભુને હાથ આવી જા તું મમ શરણ
આત્માને અમર જાણ દેહની નશ્વરતાને પહેચાન
થાતું મુક્ત મોહ માયાથી લઈ ગીતાનું જ્ઞાન

સુણ પાર્થ, જીવન મરણને જાણ પૂર્ણ પુરુષોત્તમ હાથ
થા માત્ર નિમિત્ત, કરવાં સઘળાં કલ્યાણી ઈશ્વરીય કામ
અર્પણ કર કર્તાને સર્વ કર્મનાં બંધન, કર્તવ્ય ધર્મ નિભાવ
ત્યજી આસક્તિ, યોગ સ્થિત થઈ લે ગાંડીવ તુ જ હાથ

આતતાયીઓ છે દમનકારી,શિક્ષામાં વિલંબ ન કર પળવાર
જીવન મરણ કલ્યાણ અકલ્યાણનો નથી તુ જ અધિકાર
થઈ નિર્વિકારી , થા અનાસક્ત , આજ તું સ્વધર્મ સંભાળ
નથી પવિત્ર જ્ઞાન સમ આ સંસારે , નિશ્ચયે તું જાણ

થયો મૂઢ પાર્થ, પરિસ્થિતિથી પ્રભાવિત,દીઠો કર્તવ્ય વિમુખ
પરમ લીલાને પ્રગટ કરતાં, શ્રી કૃષ્ણે ધરિયું વિશ્વ સ્વરુપ
તું છે મારો ભક્ત સખા ને , જ્ઞાન વીર ધીર ભૂપ
હું જ કાળ, હું જ નિયંતા, નીરખ પાર્થ મમ મહાકાળનું રુપ

અનંત ઐશ્વર્ય મહાકાળ રુપ જોઈ વિશુધ્ધ થયો અર્જુન
હાથ જોડી નત મસ્તકે અરજ ગુજારે ક્ષમા કરો ભગવંત
છે પારસમણિ જ્ઞાન ગીતાનું , પામ્યો પ્રેરણા પાન
દુવૃત્તિ સામે ઝુકાવવું જંગે , એ જ સમજાઈ જીવનની શાન

જાણ નિશ્ચયે, કહે કેશવ,મારું વચન સાંભળ ઓ પાર્થ
રક્ષીશ સાધુ સંત ભક્તોને છોડી વહાલું વૈકુંઠ ધામ
આ પૃથ્વીપટે અવતરીશ યુગેયુગે, ધર્મ રક્ષવા કાજ
સમય આવિયો,ધર્મ પક્ષે,કર હવે શંખ દેવદત્તનો નાદ

યોગેશ્વર છે સારથિ કુંતેય,લઇ ગાંડીવ નાખ સિંહની ત્રાડ
હૈયે પૂરી પહાડશી હામ , પ્રભુએ પૂર્યા પાર્થમાં પ્રાણ
લઈ ગાંડીવને હાથ , ઉભો થયો માત કુંતાનો ભાણ
સાધુના કરવા છે પરિત્રાણ, વરસાવ જગ કલ્યાણે બાણ

કર ગાંડીવ સર સંધાણ ,ધનુર્ધર યુધ્ધ એ જ કલ્યાણ
જુ એ રથી મહારથી વાટ , યુધ્ધે કર આજ પાર્થ પ્રયાણ
અર્જુન ગજાવ અંબર આણ,મહાભારત માણે શૌર્ય પ્રમાણ
કંડાર પાર્થ વિજયનો પાથ, તારા સારથિ શ્રીજય જગન્નાથ
જય સંગ્રામે દિસજે પહાણ, ધનુર્ધર યુધ્ધ એ જ કલ્યાણ

ધર ધનુષ્ય કર ટંકાર, ક્ષાત્ર ધર્મ કરે પુકાર
લઈ ગાંડીવ કર હુંકાર, છે આણ કુંતેય કુમાર
ધા ધરમની વહાર, બિરાજે ધ્વજે કપિકુમાર
ધન્ય ધન્ય શૂરવીરો, દુઆ દે વસુધા અપાર

તૂટ્યા મોહ કર્મનાં બંધન , ગદ ગ દ્ થઈ પાર્થ ઉવાચ
કર્તવ્ય ધર્મ નિભાવવા દેજો , દૈવી શક્તિ મમ હાથ
ગહન જ્ઞાન લાધ્યું,આત્મા પરમાત્માનો જાણ્યો ભેદ જ્ઞાનેથી
જીવાત્મા છે અક્ષર પણ અભિભૂત મોહ માયા બંધનથી

સત્ ચિત્ત આનંદથી સર્વ જીવ દિસે એકરુપ ને વ્યક્ત
અક્ષરથી ઉત્તમ પૂર્ણ પુરુષોત્તમ નિર્બંધ અખંડ અનંત અવ્યક્ત
જીવન દર્શન જાગ્યું તવ પ્રતાપે ,મોહ નષ્ટ થયો મમ અંતર
શિર જાશે પણ નહીં જાય શાન,મહાભારત ખેલવું મારે યોગેશ્વર

થા અર્જુન તું મહા યુધ્ધનો નાયક , હું છું એનો વિધાતા
તુજ રથ ધ્વજાએ બિરાજે હનુમંત ,થા અગ્રેસર અર્જુન ભ્રાતા
ગુરુ ઢ્રોણનો તું ધનુર્ધર શિષ્ય,વિનયથી લે ભીષ્મપિતાના આશીર્વાદ
હણી અન્યાય અધર્મ ધારકો , ધરણીએ ગજાવ સત ધર્મનો નાદ

આર્પણ તુજને તારી છાયા , પૂરજો હૈયે હામ
શંખનાદથી ગાજ્યું કુરુક્ષેત્ર , ધર્મ ધજા લઈ હાથ
તુજ શરણમાં ચરણે ધરવા , સર્વ કર્મનો ભાર
કર્તવ્ય ધર્મ બજાવવા પાર્થે જોડ્યા પ્રભુને હાથ

તામ્રવર્ણ દિશે અર્જુન , રક્તની છાયી લાલીમા નયન
ક્ષાત્રભૂજા સળવળી થઈ સર્પ , કીધો ધનુષ્ય ટંકાર ગગન
વ્યોમે ગાજ્યા દુંદુભી નાદ, નક્કી હવે ઊતરશે અવની ભાર
શંખનાદે ગુંજ્યા આકાશ, જગદીશ્વરનું મુખ મલક્યું અપાર

સમર્પી આજ જીવન તવ ચરણે , હવે ખેલવો મહા સંગ્રામ
તું છે કર્તા તુંજ ભર્તા , તુજ વિશ્વાસે કરવું મહા નિર્માણ
પાર્થે કીધું સર સંધાણ , જગદીશ્વર ભાખે યુગ કલ્યાણ

‘આકાશદીપ’અરજ ગુજારે ગાજો સાંભળજો ગીતાનો આ મહાતોલ
હૃદયે ઝીલજો યોગેશ્વરના બોલ , પામશો જીવન સુધા અણમોલ

– રમેશ પટેલ(આકાશદીપ)

Advertisements

ૐ નમઃ શિવાય…

ઓગસ્ટ 17, 2009

ૐ નમઃ શિવાય… શિવાય… નમઃ શિવાય…
ૐ નમઃ શિવાય… શિવાય… નમઃ શિવાય…
તીન શબ્દમે દૄષ્ટિ સારી, સૃષ્ટિ સારી સમાય…
ૐ નમઃ શિવાય… ૐ નમઃ શિવાય…

પરબત પરબત ક્યું ચઢે, નદી પાર ક્યું જાયે…
જો મિલના હે યહી હૈ જીન ખોજે વહી પાયે…
ૐ નમઃ શિવાય… ૐ નમઃ શિવાય…

હર સપના એક સાંપ હે મન સે લિપટા જાય…
વિષ અમૃત કભુ ના બને, કાહે જનત લગાય…
ૐ નમઃ શિવાય… ૐ નમઃ શિવાય…

સુખ કી ડફલી રોયે હે, દુઃખ કી બંસી ગાયે…
ભક્તિમે શક્તિ ઈતની હૈમ દ્વાર સ્વયં ખુલ જાયે…
ૐ નમઃ શિવાય… ૐ નમઃ શિવાય…

તીન શબ્દમે દૄષ્ટિ સારી, સૃષ્ટિ સારી સમાય…
ૐ નમઃ શિવાય… ૐ નમઃ શિવાય…

સ્વરઃ કવિતા ક્રીશ્નમૂર્તિ, રૂપકુમાર રાઠોડ

ૐ મંત્ર (રાગઃ ભૈરવી)

ઓગસ્ટ 10, 2009

ૐ જય જગદીશ હરે…

ઓગસ્ટ 3, 2009

ૐ જય જગદીશ હરે…, સ્વામી જય જગદીશ હરે…
ભક્તજનો કે સંકટ, દાસજનો કે સંકટ…, ક્ષણમે દુર કરે..
ૐ જય જગદીશ હરે…

જો ધ્યાવે ફલ પાવે, દુઃખ બિનસે મન કા… સ્વામી દુઃખ બિનસે મન કા…
સુખ સંપતિ ઘર આવે, સુખ સંપતિ ઘર આવે… કષ્ટ મિટે તન કા…
ૐ જય જગદીશ હરે…, સ્વામી જય જગદીશ હરે…

માત પિતા તુમ મેરે, શરણ ગહુ કિસકી… સ્વામી શરણ પડુ કીસકી..
તુમ બિન ઔર ન દુજા, તુમ બિન ઔર ન દુજા…આશ કરુ જીસકી…
ૐ જય જગદીશ હરે…, સ્વામી જય જગદીશ હરે…

તુમ પુરન પરમાત્મા, તુમ અંતરયામી… સ્વામી તુમ અંતરયામી…
પાર બ્રહ્મ પરમેશ્વર, પાર બ્રહ્મ પરમેશ્વર…તુમ સબકે સ્વામી…
ૐ જય જગદીશ હરે…, સ્વામી જય જગદીશ હરે…

તુમ કરુણા કે સાગર, તુમ પાલનકર્તા…, સ્વામી તુમ પાલનકર્તા
મે મુરખ ખલ કામી, મે સેવક તુમ સ્વામી, કૃપા કરો ભર્તા…
ૐ જય જગદીશ હરે…, સ્વામી જય જગદીશ હરે…

તુમ હો એક અગોચર, સબ કે પ્રાણપતી…, પ્રભુ સબકે પ્રાણપતી…
કીસ વિધ મીલુ દયામય, કીસ વિધ મીલુ દયામય… તુમકો મે કુમતી..
ૐ જય જગદીશ હરે…, સ્વામી જય જગદીશ હરે…

દીનબંધુ દુઃખહર્તા, ઠાકુર તુમ મેરે… સ્વામી રક્ષક તુમ મેરે…
અપને હાથ ઉઠાવો, અપની શરણ લગાઓ, દ્વાર પડા તેરે…
ૐ જય જગદીશ હરે…, સ્વામી જય જગદીશ હરે…

વિષય વિકાર મિટાઓ, પાપ હરો દેવા, સ્વામી પાપ હરો દેવા…
શ્રધ્ધા ભક્તિ બઠાવો, શ્રધ્ધા ભક્તિ બઠાવો… સંતન કી સેવા…
ૐ જય જગદીશ હરે…, સ્વામી જય જગદીશ હરે…

ૐ જય જગદીશ હરે…, સ્વામી જય જગદીશ હરે…
ભક્તજનો કે સંકટ, દાસજનો કે સંકટ…, ક્ષણમે દુર કરે..
ૐ જય જગદીશ હરે…

નાથ તમે તુલસીના પાંદડે તોરાણા…

જુલાઇ 13, 2009

ગુણ તો ગોવિંદના ગવાણા,
નાથ તમે તુલસીના પાંદડે તોરાણા.

હે જી એવા ગુણ તો ગોવિંદના ગવાણા,
નાથ તમે તુલસીના પાંદડે તોરાણા.

બોડાણે બહુ નામીને સેવ્યા, બોલણીયે બંધાણા,
કૃપા કરીને પ્રભુજી પધાર્યા, ડાકોરમાં દર્શાણા.
હે જી નાથ તમે તુલસીના પાંદડે તોરાણા

હેમ બરાબર મુલ કરીને વાલ સવામાં તોરાણા,
બ્રહામણને જ્યારે ભોંઠપણ આવ્યુ ત્યારે સખીઓને વચને વેચાણા.
નાથ તમે તુલસીના પાંદડે તોરાણા.

મધ્ય ગુજરાતમાં રચી દ્વારીકા, ભેદ પુરાણે વંચાણા,
હરીગુરુ વચને કહે વણલાખો જગત બધામાં જણાણા.
હે નાથ તમે તુલસીના પાંદડે તોરાણા.

હે જી એવા ગુણ તો ગોવિંદના ગવાણા
નાથ તમે તુલસીના પાંદડે તોરાણા

સ્વરઃ પ્રાણલાલ વ્યાસ

રામને ભજ્યા વિના પાર નહી પામો,

જૂન 15, 2009

રામને ભજ્યા વિના પાર નહી પામો,
હે જી આતો ધુતારાના શહેર છે.

રામને ભજ્યા વિના પાર નહી પામો,
હે જી આતો ધુતારાના શહેર છે.

જન્મ્યો તે’દી શુ બોલતો બંદા,
આજની બોલીમાં ઘણો ફેર છે.
કરી કમાણી તારી ચોપડે ચડશે,
લેખા લેવાને ધણી મારો તેડશે.

રામને ભજ્યા વિના પાર નહી પામો,
હે જી આતો ધુતારાના શહેર છે.

મોટાઈ તારી રે બંદા નથી મેલતો,
ઇ રે મોટાયુ તને વેડશે.
ધન રે દોલતમાં તારુ મનડુ લોભાણુ,
પ્રભુના ભજનમાં તને વેર છે.

રામને ભજ્યા વિના પાર નહી પામો,
હે જી આતો ધુતારાના શહેર છે.

ભવસાગરમાં સાચા રે મોતી,
છીપે છીપે ઘણો ફેર છે.
બાવા થયા તેથી શુ રે થયુ ભાઈ,
પ્યાલે પ્યાલે ઘણો ફેર છે.

રામને ભજ્યા વિના પાર નહી પામો,
હે જી આતો ધુતારાના શહેર છે.

કહેઅ રવિરામ ગુરુ ભાન પ્રતાપે,
દિધા વિના ક્યાંથી પામશો.
દેજો ને લેજો, કરજો ભલાયુ,
અહીયામ તો પ્રભુ ની ઘણી મહેર છે.

રામને ભજ્યા વિના પાર નહી પામો,
હે જી આતો ધુતારાના શહેર છે.

રચનાઃ રવિરામ
સ્વરઃ મન્ના ડૅ
આલ્બમઃ ચલો રે હંસા

મુળ રે વિનાનુ કાયા ઝાડવું

જૂન 1, 2009

એવા રે મુળ રે વિનાનુ કાયા ઝાડવું રે
એને પડતા નો લાગે વાર વીરાં મારા રે
એવા રે મુળ રે વિનાનુ કાયા ઝાડવું રે

એને પ્રેમ રે રુપી રે ખાતર પુરજો રે
એને પ્રેમ રે રુપી રે ખાતર પુરજો રે
એના મુળીયા પાતાળમાં જાય વીરાં મારા રે
એવા રે મુળ રે વિનાનુ કાયા ઝાડવું રે

એને સત રે રુપી રે પાણી સીંચજો રે
એને સત રે રુપી રે પાણી સીંચજો રે
એની નુરત સુરત જોને પાણીયાર
એવા રે મુળ રે વિનાનુ કાયા ઝાડવું રે

એને શીલ રે સંતોષ ફળ લાગશે રે
એને શીલ રે સંતોષ ફળ લાગશે રે
એતો અમરફળ જેવા હોય વીરા મારા રે
એવા રે મુળ રે વિનાનુ કાયા ઝાડવું રે

એમ કહે રે રવિ રે ગુરુ ભાણને રે
એમ પ્રભુને ભજે ભય જાય રે વીરાં મારા રે
એવા રે મુળ રે વિનાનુ કાયા ઝાડવું રે


રચનાઃ રવિરામ
સ્વરઃ રામજીભાઈ થલકીયા