કાવ્ય-સગપણ

ઝાંઝર ઝમકે મારે આંગણ
યાદોમાં ખોવાયો આ જણ

કાજળ રંગી કાળી પાંપણ,
રુપ તારુ માણે છે દર્પણ

હૈયે જો આવેશ વધે તો
આંસુથી ભિંજાતી પાંપણ

હૈયાના રસને નીચોવી
કાવ્યતણાં શોધે છે સગપણ

તું વિચારોમાં છે કાયમ
મારા પર આ તારુ વળગણ

છંદ વિધાનઃ દાદા દાદા દાદા દાદા

– રાજીવ

15 Responses to “કાવ્ય-સગપણ”

  1. Tejal Says:

    હૈયે જો આવેશ વધે તો
    આંસુથી ભિંજાતી પાંપણ

    khub j sundar vichar… ek dum vaastvik…!

  2. vijayshah Says:

    saras rachanaa

  3. મીતિક્ષા Says:

    સુંદર રચના ..
    જોડવાનું મન થયું …

    દિલના દ્વારે દસ્તક દેવા
    આજ સજાવ્યા મેં તો આંગણ …

  4. Pinki Says:

    nice one……!!

  5. ડો.મહેશ રાવલ Says:

    પ્રયત્ન સારો થયો છે રાજીવભાઈ!
    સતત અને સખત મહેનત જરૂર આગળ લઈ જશે.
    અને
    છંદમાં લઘુ માટે લ
    અને ગુરૂ માટે ગા
    વપરાય છે-સામાન્યરીતે.
    મારો એવો ખ્યાલ છે.

  6. neetakotecha Says:

    હૈયાના રસને નીચોવી
    કાવ્યતણાં શોધે છે સગપણ

    khub j sachchi vat

  7. Rajiv Says:

    પ્રિય ડો. મહેશ રાવલ,

    સૌ પ્રથમ તો આપની કોમેન્ટ માટે ખુબ ખુબ આભાર…!

    આપની કોમેન્ટઃ “છંદમાં લઘુ માટે લ
    અને ગુરૂ માટે ગા
    વપરાય છે-સામાન્યરીતે.
    મારો એવો ખ્યાલ છે.”
    તેની જગ્યા એ યોગ્ય જ જણાય છે…!

    મારા ખ્યાલ મુજબ છંદો બે પ્રકારના હોય છેઃ અક્ષર મેળ અને માત્રા મેળ

    અક્ષરમેળ છંદમાં ગુરુ માટે ગા અને લઘુ માટે લ વપરાય છે
    માત્રામેળ છંદમાં ગુરુ માટે દા અને લઘુ માટે લ વપરાય છે

    અથવા તો કહુ મે એવુ વિવિધ બ્લોગ પર જોયેલુ છે. આમ તો ગઝલના બધાજ છંદો માત્રામેળ છંદો હોય છે (આ જોકે મને હમણાં જ થોડા સમય પહેલા ખબર પડી, પ્રિય જુગલ કાકા એ આ જ્ઞાન આપ્યુ છે)

    એટલા માટે “ગાગા” ને જગ્યા એ “દાદા” વાપર્યુ છે. વધુ સ્પષ્ટતા તો છંદના જાણકાર મિત્રોજ કરી શકે.

    આભાર સહ

    રાજીવ

  8. વિવેક ટેલર Says:

    લ – ગા કે દા અથવા – કે U આ બધા જ ચિહ્ન છંદના મૂળભૂત એકમને સહાયરૂપ થવા માટે સર્જાયા છે. ગુરૂ માટે ગાગા વાપરો કે દાદા – બધું સરખું જ છે. અક્ષરમેળ માટે અલગ અને માત્રામેળ માટે અલગ એ વાત વિશે મને જાણકારી નથી. ગઝલના છંદોને માત્રામેળ છંદ તરીકે ઘણા ઓળખે છે પણ એ પણ સર્વાંગસંપૂર્ણ સત્ય નથી જ. ગઝલના છંદને કોઈ બીબામાં ઢાળવાને બદલે એ જેમ આપણે ત્યાં આવ્યા છે એમ જ રહેવા દઈએ એમાં જ આપણું સાચું યજમાનપણું પ્રગટ થાય છે એમ મારું માનવું છે.

    ગઝલ માટે અભિનંદન. પહેલીવાર હું છંદની કોઈ ભૂલ કાઢવામાં નિષ્ફળ રહ્યો છું અને આજે આ વાતનું મને અભિમાન છે કે વારંવારની ટકોરને વિધાયક સ્વરૂપે લઈ આજે પ્રમાણમાં અઘરા ગણાતા આ છંદમાં દોષ વિના ગઝલ લખી શક્યા… ખૂબ ખૂબ અભિનંદન, મિત્ર !

  9. Shah Pravinchandra K Says:

    સુશ્રાવ્ય સરસ રચના થઈ છે.
    જીવ રાજી થાય એવું સર્જન .
    અભિનંદન!

  10. Sweta Patel Says:

    really touching with sweetness.
    Sweta

  11. Rajiv Says:

    Dear Friends,

    Khub khub aabhar…! Special thanks to Dr. Vivek for clarification on “Da” and “Ga” and very encouraging comment.

    Cheers

    Rajiv

  12. ઉંઝા જોડણી Says:

    ગીત સરસ છે.

  13. Vyas Kamlesh Says:

    its nice creation keep it up

  14. Pinki Says:

    દાદા દાદા દાદા દાદા એવું ભણ્યાનું તો મને પણ યાદ છે.

    ‘લ’ ને ‘ગા’ સંસ્કૃત,ગુજરાતી અને ઉર્દૂમાં પણ હોય છે.
    આ વિધાન સંસ્કૃત/ગુજરાતી છંદવિધાન છે કે ઉર્દૂ ??
    વધુ માહિતી આપશો તો થોડું શીખી શકાશે.

  15. pragnaju Says:

    હૈયાના રસને નીચોવી
    કાવ્યતણાં શોધે છે સગપણ
    તું વિચારોમાં છે કાયમ
    મારા પર આ તારુ વળગણ
    સુંદર્

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s


%d bloggers like this: