Archive for એપ્રિલ, 2008

ભુંસાયેલા શબ્દો

એપ્રિલ 24, 2008

ઊર્મિઓના સાગર કિનારે…
ઉઠતી ભરતીના સહારે…
કાગળ રુપી રેતી પર,
કવિતા રુપી શબ્દોને,
હું લખી રહ્યો છું

અને

તેજ સાગર કિનારે…
તેજ ભરતીના,
આવેગ સભર મોજાઓ…
કાગળ રુપી રેતી પરથી,
કવિતા રુપી શબ્દોને,
નિર્દયતાથી
ભુંસી રહ્યા છે

– રાજીવ

– મારી રીતે

એપ્રિલ 17, 2008

આ જીવન જીવી શકતો નથી મારી રીતે
શબ્દો બધા લખી શકતો નથી મારી રીતે

નિયમોના કાગળ પર ઇચ્છાની શાહીને
હું વહાવી પણ શકતો નથી મારી રીતે

સમય થોભવા નથી દેતો ક્યાંય ક્ષણભર
હું સફરને રોકી શકતો નથી મારી રીતે

તારી યાદોના સાગરના ખારા આ જળને
ચાખી કદી પણ શકતો નથી મારી રીતે

મૃગજળ જેવા શમણાં જીવન રણમાં મળ્યા
રણનું તારણ લાવી શકતો નથી મારી રીતે

– રાજીવ

રોવાઇ જાશે

એપ્રિલ 3, 2008

ocean.jpg

પ્રણયમા જવાની નિચોવાઇ જાશે
હવે હસતાં હસતાં ય રોવાઇ જાશે

ન રહેશે હવે હાથ હૈયું ન રહેશે,
એ મોતી નથી કે પરોવાઇ જાશે

નયન સાથ રમવા ન એને જવાદો
હ્રદય સાવ બાળક છે ખોવાઇ જાશે

મરણને કહો પગ ઉપાડે ઝડપથી,
નહીં તો હવે શ્વાસ ઠોવાઇ જાશે

સિધાવો, ન ચિંતા કરો આપ એની !
કાંઇ કામમાં મન પરોવાઇ જાશે

કદી દાનની વાત ઉચ્ચારશો મા
કર્યું કારવ્યું નહી તો ધોવાઇ જાશે

નિહાળ્યા કરો જે કંઇ થાય છે તે
વિચારો નહિં, મન વલોવાઇ જાશે

વગોવે ભલે મિત્રો ‘ઘાયલ’ વગોવે !
હતું નામ શું કે વગોવાઇ જાશે ?

– અમૃત ઘાયલ