Archive for માર્ચ, 2008

એકલતાની નદી…?

માર્ચ 27, 2008

river.jpg

તારી અને મારી વચ્ચે…
કોણ મુકી ગયુ છે, આ એકલતા ?
હું એ અજાણ્યા હાથોને શોધુ છું
અને દરેક વખતે…
મને હાથ લાગ છે…
તારા જ આ બે જાણીતા હાથ…

કાળી રાત જેવા…
કાળોતરા નાગ જેવા…
આ અંધકારમાં, …
હું મારી એકલતાને વિનવુ છું…
તારી યાદોને તેની પાસેથી છિનવુ છું…
અને અંતે, જ્યારે તું નથી મળતી…
ત્યારે, પાંપણો ભિંજવુ છું…

છતાં તારા અને મારા વચ્ચે …
એક પ્રવાહ અવિરત વહ્યા કરે છે…
તારી અને મારી વચ્ચે, કહે ને…
કોણ મુકી ગયુ છે આ, એકલતાની નદી…?

-રાજીવ ગોહેલ

Advertisements

કહેતા નથી

માર્ચ 20, 2008

pilu.jpg

આ મોહબ્બત છે, કે છે એની દયા, કહેતા નથી
એક મુદ્દત થઇ કે, તેઓ હા કે ના કહેતા નથી

લ્યો નવાઇ આપની શંકા સુધી પહોંચી ગઇ
બસ હવે આગળ અમે દિલની કથા કહેતા નથી

એને તું સંયમ કહે, તારી કૃપા કિંતુ અમે,
મનમાં નબળાઇ છે તેથી દુર્દશા કહેતા નથી

એ જ લોકો થઇ શકે છે મહેફિલોની આબરૂ,
જેઓ વેરાનીને પણ સૂની જગા કહેતા નથી

બે જણા દિલથી મળે તો એક મજલીસ છે ‘મરીઝ’
દિલ વિના લાખો મળે, એને સભા કહેતા નથી

– મરીઝ

આ તરફ

માર્ચ 14, 2008

sky.jpg

કદી તારી દૃષ્ટિ ઝુકાવ આ તરફ
અને પછી સૃષ્ટિ વહાવ આ તરફ

તું આવે તો રાખીયે પાંપણ ઉપર
કદી તારુ ગામ બનાવ આ તરફ

જગત એના જ રંગે રંગાઈ જશે
કદી વાંસળી સંભળાવ આ તરફ

તારા પ્રેમ દ્વારા જ એ ખોટ પુરાશે
છે હજુ પ્રેમનો અભાવ આ તરફ

‘રાજીવ’ પ્રભુ તો અહી આવશે નહી
શક્ય છે તો સ્વર્ગ બંધાવ આ તરફ

– રાજીવ ગોહેલ

હવે

માર્ચ 7, 2008

anger.jpg

નહીં કરું ગુસ્સો હવે
હાથ તો છોડો હવે

ભાર લાગે છે મને
પાંપણો ઊંચકો હવે

હાં, ભલે, મળશું નહીં
ફોન તો કરજો હવે

-કૈલાશ પંડિત