Archive for ડિસેમ્બર, 2007

આજે મારાથી કંઇ લખાતુ નથી…

ડિસેમ્બર 18, 2007

forget.jpg

આજે ફરી હૃદયમાં ઝંઝાવાત સર્જાયો છે
નથી ખબર પણ –
આજે ફરીથી આંખનો ખુણો ભીંજાયો છે

આજે ફરી ઘણું લખવાનુ મને છે
પણ –
આજે મારાથી કઇ લખાતુ નથી,
આંસુઓ પણ મનમાની કરે છે આજે
એક પણ આંસુ –
મારા કહ્યે રોકાતુ નથી

તુ હતી ત્યારે…
ઓળખનો સાગર સાવ સુક્ષ્મ હતો,
અને મને –
આજે કોઇપણ ચહેરાથી ઓળખાતુ નથી

પરિચયના સાગરની –
ભીની, સુંવાળી, રેતની માફક
તું મારા હાથથી સરી પડી…
કદાચ એટલે જ
આજે અકારણ જ –
મારી આંખો ફરી રડી પડી

આંખોના સાગરમાં હવે તરાતુ નથી
આજે મારાથી કંઇ લખાતુ નથી…!
આજે મારાથી કંઇ લખાતુ નથી…!

– રાજીવ

Advertisements

તેમ નથી

ડિસેમ્બર 11, 2007

rose10.jpg

પ્રેમ છે અનહદ પણ તને, બતાવી શકુ તેમ નથી
પ્રેમિકાને પામવા, મિત્ર ગુમાવી શકુ તેમ નથી

તારા સાથ વડે જ જીવન બન્યુ છે જીવવાલાયક
તારા સાથને મરીને પણ ભુલાવી શકુ તેમ નથી

તારા માટે બન્યા હશે, અનેક મહેલ અને મીનારા
આ ગરીબની ઝુંપડીમાં તને લાવી શકુ તેમ નથી

પગમાં મારા પડી છે થાકની બેડીઓ વર્ષોથી
તને મળવા તેથીજ કદી આવી શકુ તેમ નથી

તને પ્રભુએ કદાચ, મારા માટે જ બનાવી છે
હું છતાં તને જીવનમાં સમાવી શકુ તેમ નથી

‘રાજીવ’ની જીંદગી પાનખરનૂ પાન બની ગઇ
તેને હવે વૃક્ પરથી જરા હલાવી શકુ તેમ નથી

– રાજીવ