લાગણીવશ હૃદય!

0041.jpg

તું ન માને કહ્યું, તું ન વર્તે સમય
લાગણીવશ હૃદય! લાગણીવશ હૃદય!
છે મને રાતદી એક તારો જ ભય
લાગણીવશ હૃદય! લાગણીવશ હૃદય!

જોતજોતામાં થઇ જાય તારું દહન
વાતોવાતોમાં થઇ જાય અશ્રુવહન
દવ દીસે છે કદી તો કદી જળપ્રલય
લાગણીવશ હૃદય! લાગણીવશ હૃદય!

કોઇ દુખિયાનું દુઃખ જોઇ ડુબી જવું
હોય સૌદર્ય સામે તો કહેવું જ શું?
અસ્ત તારો ઘડીમાં, ઘડીમાં ઉદય
લાગણીવશ હૃદય! લાગણીવશ હૃદય!

આભ ધરતીને આવી ભલેને અડે
તારે પગલે જ મારે વિહરવું પડે
તારી હઠ પર છે કુરબાન લાખો વિનય
લાગણીવશ હૃદય! લાગણીવશ હૃદય!

– ગની દહીંવાલા

5 Responses to “લાગણીવશ હૃદય!”

  1. Dhaval Says:

    ગનીચાચાની બહુ ઉત્તમ રચના….

  2. વિશ્વદીપ બારડ Says:

    આભ ધરતીને આવી ભલેને અડે
    તારે પગલે જ મારે વિહરવું પડે
    તારી હઠ પર છે કુરબાન લાખો વિનય
    લાગણીવશ હૃદય! લાગણીવશ હૃદય!

    – ગની દહીંવાલા

    it’s very nice gazal by Gani Dahivala

  3. વિવેક Says:

    ચિરસ્મરણીય રચના…

  4. સુગમ Says:

    Sundar gazal…!

  5. hemantpunekar Says:

    સરસ રચના! હું સમજી શકું છું ત્યાં લગી આ ગઝલ નથી. કદાચ ગીત પણ મને પાક્કો ખ્યાલ નથી. વિવેકભાઈ વધુ પ્રકાશ પાડી શકશે.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s


%d bloggers like this: