મારા વિશે

જન્મ સ્થળઃ રંગીલુ મારુ રાજકોટ શહેર

વતનઃ જુનાગઢ

રહેઠાણઃ વડોદરા

અભ્યાસઃ (1) સંસ્કારી નગરી વડોદરા (B.E. કોમ્પ્યુટર એન્જીનીયરીંગ); (2) મેલબોર્ન, ઓસ્ટ્રેલીયા (માસ્ટર ઓફ ઈન્ફોરમેશન ટેકનોલોજી)

હાલઃ મેલબોર્ન, ઓસ્ટ્રેલીયા

દિલના આંસુઓથી કાગળ પલાળવવાનુ ક્યારે ચાલુ કર્યુ તે દિવસ, તે ક્ષણ યાદ નથી પણ ખાસા દસેક વરસ પહેલા લખવાનૂ ચાલુ કર્યુ હતુ અને કોલેજ કાળમાં તો એક નશો હતો કઈક લખવાનો, ભલે કોઈ વાંચે કે વાંચે, કોઈના માટે નહી પરંતુ પોતાના માટૅ… હૃદયમાં ઉઠતા આવેગોને ઠાલવવા માટે…, પ્રેમ કરવાનો અને જીવનના બધાજ સારા-નરસા અનુભવો કરી લેવાનો…!

હું ખુબ ચિક્કાર જીવ્યો છું… ખુબ પ્રેમ કર્યો છે… ખુબ દુઃખો સહન કર્યા છે… જીવનમાં અનેક ભુલો કરી છે… અનેક લોકોને મેળવ્યા છે અને લગભગ બધાને ગુમાવીને કઇ કેટલાય અનુભવો નો ખજાનો ભરી બેઠો છું…! અને છતાં હું જીવન વિશે, પ્રેમ વિશે કે સંબંધ વિશે કઇ પણ નથી જાણતો…!

યાદ નથી આવતુ, પ્રથમ વાર ક્યારે કલમ પકડીને કઇક એવુ લખવાનો પ્રથમ પ્રયાસ કર્યો હતો કે જે દિલને આનંદ આપે, અને ઘણી વખત આંખોમાં આંસુ ભરી જાય…!

પ્રથમ કવિતા લખવાનો આનંદ મારા માટે, પ્રથમ પ્રેમ કરતા જરાય ઓછો ન હતો…! ત્યાર પછી તો મે અનહદ પ્રેમ કર્યો છે, કાવ્યને, ગઝલને, અને કઈ કેટલીય વાર આ હૃદયના ટુકડા થયા, અને આ દુનિયાએ અને મારા જીવનમાં મળેલા મિત્રોએ, પ્રેમીકા(ઓ)એ મને પુરતો સમય અને સંજોગ આપ્યો કે હું લખી શકુ…! અને સાથે સાથે જીવી પણ શકું… આ હૃદયને એવુ તો પથ્થર-સમ બનાવી દીધુ છે કે કોઈ પણ લાગણી હવે અંદર જઈ અસર કરી શક્તી નથી.

જે મને છોડીને ગયા, મારા દિલમાંથી/જીવનમાંથી/શ્વાસોમાંથી/અસ્તિત્વમાંથી જે બધા પોત પોતાનો ભાગ લઇને જતા રહ્યા છે, તે જ લોકો આ બધી રચનાઓનુ કારણ છે… હું તે બધાનો આભારી છુ, જેમના માટે મે લખ્યુ હતુ, લખ્યુ છે, અને જેમના લીધે હું લખી રહ્યો છુ.

અહી એક ખુબ જ સામાન્ય માણસ શ્વસી રહ્યો છે…!

મારા વેબ પેજની મુલાકાત લેવા અહી ક્લીક કરો…!

- રાજીવ