આભ

મારા સમગ્ર અસ્તિત્વ પર…
વાદળી આ આભની જેમ…
જે છવાયેલુ રહે છે..
સાચુ કહે, આ આભ…
એ આભ છે કે તુંજ છે…

મારી આંખોના આભમાં…
આ સપ્તરંગી…
જે પ્રસરી રહે છે…
સાચુ કહે, આ મેઘધનુષ…
એ મેઘધનુષ છે કે તુંજ છે…

મારા અસ્તિત્વના…
નીલવર્ણી આ આભમાં…
તુંજ ફેલાયેલી છે…
સપ્તરંગી એવા…
મેઘધનુષની જેમ…

તુંજ છે આ…
એક પછી એક…
આવતા મારા શ્વાસમાં…
અને…
એ શ્વાસની મધુર…
પ્રથમ મેઘ સમ…
સુવાસમાં…

તુંજ કહેને…
તને કેમ કરી…
કરુ મારાથી દુર…
કે જ્યારે…
તું એક ક્ષણ પણ…
મારા અસ્તિત્વથી દુર નથી…

-રાજીવ