ઘર

બારણાં મારા ઘરના તારા આગમન માટે તરસે
આંગણુ મારુ તારા પગરવના શ્વાસ માટે તરસે

સુકાયેલો બગીચો ઘરનો, વરસાદ માટે તરસે
નથી ખબર તેને, તું તો હવે બીજે ક્યાંક વરસે

તું નથી તેથી ઘરમાં હવે ઘર જેવુ કઈ રહ્યુ નથી
કહે ને મારા આ ઘરને ઘર ફરીથી કોણ કરશે ?

ઘરની દિવાલો અને છતને કાયમ સમજાવું છું
કોઈ કાળે કદાચ તારા ચરણો આ તરફ વળશે

આ ભવ તો એળે ગયો પણ આવતા જન્મમાં,
તુંજ કહેને, શું ફરીવાર તારો સાથ મને મળશે

– રાજીવ