આજે મારાથી કંઇ લખાતુ નથી…

આજે ફરી હૃદયમાં ઝંઝાવાત સર્જાયો છે
નથી ખબર પણ -
આજે ફરીથી આંખનો ખુણો ભીંજાયો છે

આજે ફરી ઘણું લખવાનુ મને છે
પણ -
આજે મારાથી કઇ લખાતુ નથી,
આંસુઓ પણ મનમાની કરે છે આજે
એક પણ આંસુ -
મારા કહ્યે રોકાતુ નથી

તુ હતી ત્યારે…
ઓળખનો સાગર સાવ સુક્ષ્મ હતો,
અને મને -
આજે કોઇપણ ચહેરાથી ઓળખાતુ નથી

પરિચયના સાગરની -
ભીની, સુંવાળી, રેતની માફક
તું મારા હાથથી સરી પડી…
કદાચ એટલે જ
આજે અકારણ જ -
મારી આંખો ફરી રડી પડી

આંખોના સાગરમાં હવે તરાતુ નથી
આજે મારાથી કંઇ લખાતુ નથી…!
આજે મારાથી કંઇ લખાતુ નથી…!

- રાજીવ